جميع المشروبات التي يقدمها المقهى

اليوم راح اعطيكم طرق تتحضير كل الاشياء اللي ممكن تحصلها في المقهى مثل الكابتشينو و الموكا و غيره..



الكابتشينو


المقاااااااااااااااادير...

شرط اساسي الملاعق ماتكون مره
مليانه (يعني مو هرميه) اوكي


1 ملعقه كبيره نسكافي.
3ملاعق كبيره حليب بودره
ربع ملعقه كبيره كاكاو بودره
ملعقه صغيره سكر او حسب الرغبه
ملعقه صغيره كريم كراميل تكون مليانه
على حسب الرغبه شوي كافي ميت انا مااحط
كوب ماء حار (الكوب اللي راح تشربين فيه )
تخلط المقادير مع بعض بالخلاط اليدوي ...
ثم يصب بالكاس



اذا تحبين تزينينه بكاكاو بودره بواسطه المصفى (المشخال)... او فليك مكسر .. او هيرشي بالشوكلاته واذا بتحطين هيرشي لا تكثرين ولا تحطين سكر بالخلطه لان بيصير مرررررره حالي ... او تحطين فيه حبه من خدود البنات راح يطلع شكلها حلو خصوصا اذا ملونه وبتحلي الكابتشينو اذا مافيه سكر


موكا مثلجة


المقادير(1):-

1 كأس ماء بارد

2 ملعقة سكر

2 ملعقة نسكافيه

2 ملعقة نسكويك

5 ملاعق حليب نيدو (بودره)

2 ظرف دريم ويب

15 مكعبات ثلج "مجروش"



الطريقة(1):-

نضع كل هالمقادير بالخلاط .. عندي ملحوظة بسيطة جداً" الثلج لا تحطينه بمكعباته عشان ما يخرب الخلاط حق أهلك ثم تروحين فيها أسمعي اخذي الثلج وحطيه بكيسه ولفيه بفوطه نظيفة ثم أخذي يد النجر ثم اضربيه حتى يصير مجروش


*مقادير التوفي للتزيين ..

1 كأس سكر

ربع أصبع زبده..


*الطريقة:

أ)نحطها على النار حتى يذوب السكر ويصبح لونه أشقر خفيف.. ملحوظة بسيطة ادري كثرت ملاحظاتي بس من بغى شغله يصير خوش شغل يتبع ملاحظاتي..," خلي يدك باستمرار تحرك السكر عشان ما يغدي ويتكون لك كتل من السكر.."


ب) ضعي على القدر اللي فيه السكر

1 أو 2 ملعقة قشطه ..

فنجال حليب سائل مراعي ..

1 ملعقة قرفه " تكون مطحونه مثل البودر + 1 ملعقة نسكويك..

1 ملعقة سكر مطحون..,




والطريقه الأخيرة وهي طريقه عمل الكريمة البيضاء..,

*1 ظرف دريم ويب..,


•فنجال حليب مراعي بارد ..,

حطي الظرف والحليب واخلطيهم بالخلاط جيداً حتى تتكون لك رغوه..


نسكب بالكوب اول مقادير موجوده اللي بالثلج ... ثم الكريمه اللي بالدريم ويب ... ثم التوفي تزين على الكوب ... وينصح احيانا تكون اول طبقه هي التوفي ...


لاتيه مثلج



المقادير :
6ملاعق كبيره نسكافيه
3 اكواب ماء بارد
2 كوب حليب بارد
مكعبات الثلج بالقهوه

الطريقه :

اخلطي القهوه مع الماء البارد جيدا و ضعيها بالثلاجه لوقت التقديم
اضيفي نصف كوب من القهوه والحليب في كاسات تقديم كبيره
اضيفي مكعبات الثلج بالقهوه والسكر ...........حسب الرغبه

لعمل مكعبات الثلج :
اخلطي القهوه بالماء البارد ثم ضعيها في قوالب الايس
وعند التقديم اضيفيها للايس كوفي لاتيه لزيادة نكهة القهوه ................وشكرا .


اوريو اسبريسو شيك


المقادير :
10حبات بسكويت اوريو شوكلاته مفصوله ومقطعه
3/4 كوب حليب
2 كوب ايس كريم فانيلا
1 ملعقه كبيره قهوه اسبريسو او نسكافيه
2 ملعقه كبيره شراب الشوكولاته
كريمه للزينه
1بسكويت اوريو مكسر الى قطع للتزيين

الطريقه:

اخلطي الحليب والايس كريم والقهوه وشراب الشوكولاته والبسكويت في خلاط كهربائي الى ان يتجانس ............
صبيه في كاس وزينيه بالكريمه والبسكويت



القهوة التركيه


القهوة التركية متوسطة القلية" الحمسة" وناعمة
مع هال مطحون او بدون حسب الرغبة

المقادير:

فنجانين ماء
ملعقة صغيرة سكر او بدون حسب الرغبة
ملعقتين صغيرتين من البن قهوة مع هال مطحون او بدون

الطريقة:

ضعي الماء في ركوة صغيرة و أضيفي السكر والبن
وحركي على نار معتدلة الحرارة
عندما تغلي القهوة خففي النار واغلي لمدة دقيقة مع رفع الركوة واعادتها
قدمي القهوة التركية ساخنة


احلى كابتشينو


المقادير:

فنجان قهوه سـكر
فنجان قهوه نسكافيـه
فنجان قهوه مـــــاء

الطريقة:

توضع في خلاط البيض الى ان تصبح رغــوه
يغلى حليب ( المراعي) حسب الرغبة
_ يوضع مقدار ملعقة من الرغوة في كل كوب
ثم يصب الحليب المغلي من الاعلى ( يعنى من ارتفاع بسيط عن الكوب
ثم على الوجه قليل من بودره الكاكاو او قليل من النسكافيه



بالهنا والعافية جميع تحياتي